المساعد الشخصي الرقمي

مشاهدة النسخة كاملة : قبل ما تشترى شاشة lcd تعال تعرف على أهم صفاتها



الشارح الدهبي
12-17-2009, 02:33 PM
قبل ما تشترى شاشة LCD تعال تعرف على أهم صفاتها والحاجات اللى تضرها وبعض المركات العالمية المعروفة
أهم الصفات

1- اهم حاجة فى الشاشة ال LCD حاجة اسمها ال Response Time وده معناه المعدل الزمنى للاستجابة لمؤثر البصرى وده مهم جدا ويفرق فى كفاءة ونقاء عرض الشاشة
فاكرين زمان كنا لما نتفرج على فيلم على شاشة LCD كنا نحس ان الشاشة بتبقع وتطلع مربعات وكده وده لأن ال Response time كان عالى اياميها اعتقد انه كان 20 MS
اما حاليا فالحمد لله الشركات بدات تحسن الجزئية دى لدرجة ان ال Response time نزل لحد 2MS
شوفتوا الفرق واضح قد ايه وده يخلى الشاشة اكتر من رائعة فى عرض الموثرات البصرية السريعة زى الالعاب والافلام

وعلشان نبقى فى المضمون هو عامتا ثبت ان اى شاشة ال Respose time بتاعها من *ms لاقل فهى شاشة جيدة وتناسب استخدام الالعاب والافلام
وانا لاحظت ان معظم الشاشات اللى فى السوق بتتراوح من 2MS لحد 5MS
وده يسهل علينا ويخلينا نبقى مرتاحين بعض الشىء
2- ودى تانى اهم حاجة فى الشاشة ال LCD وهى ال Refresh rate ودى اللى هى معدل التجديد”التنشيط” ودى يا جماعة فايدتها مهمة فى الالعاب و بتظهر اوى اوى اوى فى الالعاب اللى فيها خطوط مستقيمة زى الفيفا والبرو ايفلوشن
ونلاحظ هنا ان بيحصل تكسير و تمويج فى الخطوط لما بيكون ال Refresh Rate قليل وغالبا ما يكون ال Refresh rate فى معظم الشاشات من 60Hz الى *2Hz ده فى ال LCD
وطبعا فى شاشات بتوصل لحد 200Hz بس دى اسعارها خرافية وانا بقول ان انسب حاجة هى لحد 85HZ
وده مش معناه ان ال *2 او *5 وحشة لكن زى ما انا وضحت كل ما الRefresh rate يزيد يكون افضل
3- دى تالت نقطة وقد لا تكون ذات اهمية كبيرة وهى ال Contrast ratio
وهى معدل التباين و ده يفرق فى سطوع ووضوح الالوان على الشاشة وهو غالبا صعب التفريق فيه بس معظم التجارب و الملاحظات اثبتت انه من اول نسبة 1:*00 لحد نسبة 1:5000 بتقع كل الالوان الطبيعية وتكون من الصعب التمييز بينهم
والحمد لله ان معظم اللى فى السوق 1:*00 لو 1:1000 و نادرا لما تلاقى اعلى من كده



خطــــوات المحــــافظة على الشــــاشة

ودى اكتر حاجات تضر الشاشة :
1- اوعى تحط اى حاجة سخنة او ساقعة جنب الشاشة لأن اى بخار متصاعد بياثر على المكثفات ده غير كده لن بلورات الكريستال بتتاثر بسرعة بدرجة الحرارة بدليل انك لما بتفتح الشاشة بتلاقى اضاءتها ضعيفة
وبعد كده اضاءتها بتزيد تدريجيا
2- النقطة دى خاصة بالناس المدخنة فى ناس بتحب تشرب سجاير وهى قاعده على الكمبيوتر فيجى بالصدفة وهو بيشاور على الشاشة تروح السيجارة لامسة الشاشة فتروح عاملة علامة صفراء فى اسود زى حرق كده كانك حرقت كيس بلاستيك ابيض والسبب فى كده ان الشاشة السطح الخارجى ليها مغلف بغشاء جيلاتينى ضاغط “وده على حد علمى ” فياريت ما تشربش سجاير وانت قاعد ” بطل سجاير احسن http://dvd4arab.com/smile1/10.gif ”
3- بالنسبة بقى للناس اللى ليها اخوات صغيرين او عندها اطفال حاول بقدر الامكان تبعد الاطفال عن الشاشة لأنه لو ضغط على الشاشة بقوة مكان الضغط بيسيب علامة بتفضل العمر كله “كانى ضربتك بمشرط فى ايدك اكيد هتعلم ” هو ده نفس الوضع
4- الشاشات ال LCD عامتا مفروض ان بيجى ليها كبل كهرباء بفيشة ثلاثية “المفروض علشان توصل ارضى علشان اى كهرباء زيادة تتوزع ” بس الحمد لله احنا فى مصر معندناش الكلام ده فانت هتضطر تحافظ عليها بنفسك يعنى تقفلها بليل وتشيل الكهرباء عنها و لما النور يقطع تشيل الكهرباء ” وانا بفضل انكم تعملو زىى وتجيبوا استبليزر وهو هيريحكوا جدا لأنه هيثبت الكهرباء وهياخد كل الصدمات بعيد عن الكمبيوتر وهو فى حدود 120 جنيه تقريبا ”
5- ودى اهم نقطة الشاشات ال LCD عامتا ليها عمرو افتراضى بمعنى ” ان ليها عدد ساعات معينة هتشتغلهم يعنى هى كده كده هتبوظ بعد عمرها الافتراضى والعمر ده بيتقاس بعدد الساعات يعنى بيدوك Range مثلا من 60000 ساعة : 80000 ساعة “مثلا” يعنى الشاشة هتعيش ان شاء الله لحد المدة دى بس مش ازيد ” ومين عالم الاستعمال الجيد يزيد العمرو للضعف ”
وده عيب الشاشات ال LCD عن الشاشات العادية ال CRT اللى هى بتتقاس بمعدل الاهلاك يعنى الشاشة تبوظ لما تهلكها مش لما عمرها يخلص زى العربياااات : و اكيد كل حاجة ليها عمر. ”



أفضــــل المركات

ViewSonic , DELL , HP , Philips , SONY , BenQ , Samsung , NEC
وانا برشح ال BenQ وال ViewSonic اكتر لأن سعرهم حلو وفى نفس الوقت عرضهم جمييل جدا وراقى ده غير ان كل ما الموديل بتاع الشاشة يتباع اكتر كل ما صيانته تبقى اسهل وقطع غياره متوفرة

المصدر
.. (http://si-lmonadi.blogspot.com/)
فقط على موقع
انجاز التقنية

الــجــنــرال
12-17-2009, 05:25 PM
شكراا لك اخي العزيز
معلومات جميله جداا

Moreed
12-17-2009, 09:15 PM
والله موضوع رائع جدا بس بدي أعرف شو الفرق بأنواعها بسمع
tft,lcd,flat
شو معاني هالمصطلحات هاي

مصطفى التسعاوى
12-18-2009, 07:25 PM
انا كنت محتاج المعلومات دى جدا
شكرا

medhat
12-19-2009, 03:05 AM
شكرا على الموضوعات المفيدة دى
جزاكم الله خيرا
وبارك الله فيك

mortada
12-21-2009, 04:27 PM
مشكور وما تقصر يا طويل العمر

أبوعمير الأثري
12-21-2009, 11:35 PM
مشكوووووووووووور

وما قصرت يا الغالي

رؤيتي الخالده
12-22-2009, 12:16 AM
يعطيك العافيه اخوي على الطرح الجميل ,,

اختك سوسو

سلامي

MaX
01-02-2010, 09:43 PM
شكرا لك اخى الكريم والله انا كنت ناوى اشترى شاشه lcd

وانته الان اعطتنى المعلومات العامه والهامه جداااا قبل الشراء
لكن ليا اى نوع معين من تلك الشاشات شغل افلاام بجوده البلوى راى راب 1028p
??
وجزاك الله كل الخير

دعم فني
01-06-2010, 06:23 PM
مشــــــكــوٍرٍ أخـــــــــــــــــــيَ عَ موٍضوٍعكَ رـــــــــآئــعَ

ننتظرٍ منكَ ألجديد

تقبل مرورىآ البسيطَ

gogo galal
02-05-2010, 07:50 PM
مشــــــكــوٍرٍ أخـــــــــــــــــــيَ عَ موٍضوٍعكَ رـــــــــآئــعَ

ننتظرٍ منكَ ألجديد

تقبل مرورىآ البسيطَ

همسه
02-26-2010, 04:45 AM
http://www.enjaztech.com/up/files/enjaztech_com_16efgoxy.gif (http://www.enjaztech.com/up)

رمز
02-26-2010, 10:43 PM
شكرا جزيلا على الموضوع ومعلومات قيمه

احمد سيد قرني
02-27-2010, 04:44 AM
معلومات مفيدة جدا تسلم الايادي شكرا جزيلا علي الطرح المتميز

GazaWeb
03-24-2011, 07:04 PM
بارك الله فيك

the_unknow
03-25-2011, 02:37 AM
بارك الله فيك